7 қыркүйек күні КММ «Нижнеборлық мектеп-бөбекжай-бақша кешені» Қазақстан халқының тілдері күніне арналған салтанатты жиын өтті.
Қазақ тілі мен әдебиеті пәнінің мұғалімдері оқушыларға арналған қызықты әрі танымдық іс-шара дайындады. Іс-шара барысында көрнекті ағартушы, ғалым-лингвист, қоғам қайраткері және қазақ ұлттық жазуының негізін қалаушы Ахмет Байтұрсынұлының өмірі мен қызметіне ерекше назар аударылды.
📚 Оқушылар Ахмет Байтұрсынұлының өмірі мен шығармашылығымен, оның қазақ тілін, жазуын, білім беру жүйесін және ұлттық мәдениетті дамытуға қосқан зор үлесімен танысты.
Жиын барысында өлеңдер оқылып, қызықты деректер айтылып, ана тілінің маңызы туралы ой-пікірлер ортаға салынды. Іс-шара оқушыларға тілдің — халықтың рухани мұрасы, оның тарихы мен мәдениетінің ажырамас бөлігі екенін түсінуге мүмкіндік берді.
✨Ана тілімізге деген сүйіспеншілік, түрлі халықтардың тілдеріне деген құрмет және білімге деген ұмтылыс әрдайым баршамызды біріктіре берсін!
