#Adal_azamat
Бүгін, 2026 жылғы 15 мамырда, «Нижнебурлук мектеп–балабақша кешені» КММ оқушылары, педагогтері және ата-аналары «Отбасылық уақыт аллеясы» облыстық экологиялық акциясына қатысты.
Акция Халықаралық отбасы күніне орай ұйымдастырылып, «ата-ана – бала», «мұғалім – оқушы», «отбасы – білім беру ұйымы» форматында өтті. Қатысушылар ағаш көшеттерін отырғызып, оны ұрпақтар сабақтастығының, отбасылық құндылықтардың және болашаққа деген қамқорлықтың символы ретінде танытты.
Мектеп пен отбасының бірлескен еңбегі — балаларға үлгі және табиғатқа деген қамқорлыққа қосылған үлес!
