📢 «Балалар еңбегін қанауға қарсы күрестің 12 күні» ұлттық ақпараттық науқанының іс-шаралар жоспарын іске асыру аясында 11 маусым күні оқушылармен «Үйде жалғыз қалғанда: қауіпсіздік ережелері!» атты тәжірибелік ойын өткізілді.
Іс-шара барысында оқушылар үйдегі қауіпсіз мінез-құлықтың негізгі ережелерін қайталап, түрлі қауіпті жағдайларды және олардың алдын алу жолдарын талқылады. Балалар ойын тапсырмаларына белсенді қатысып, төтенше жағдайларда дұрыс әрекет етуді үйренді, электр құралдарын, тұрмыстық техниканы қауіпсіз пайдалану және бейтаныс адамдармен қарым-қатынас жасау ережелері бойынша білімдерін бекітті.
Өткізілген ойын балалардың жеке қауіпсіздік деңгейін арттыруға, жауапкершілік сезімін қалыптастыруға және ересектерсіз үйде болған кезде өз әрекеттеріне сенімді болуына ықпал етті.
